CLICK HERE FOR BLOGGER TEMPLATES AND MYSPACE LAYOUTS »

الأحد، 29 نوفمبر، 2009

بسكويت بالتمر..


السلام عليكم ورحمة الله وبركاته..

كل عام وانتم بخير..بمناسبة عيد الأضحى المبارك..

ان شاء الله يكون عيدخير عليكم وعلينا جميعاً..

بمناسبة العيد قررت انشر اليوم نوع من الحلوى..وهوبسكويت بس محشى تمر..

طريقته سهله جداً وبسيطه..وفى نفس الوقت طعمها فى منتهى الروعه..

ولواتكلمنا عن فوائد التمر يبقى هنضطر نتكلم فى موضوع منفصل لان فوائده لا تحصى ولا تعد..

ممكن نقول نبذه مختصره جداًعلشان بعدها علطول نقول الطريقه..

مقو للكبد وملين ..

يعالج خشونة الحلق..

أكله على الريق يقتل الدود ..

مقو للعضلات والأعصاب ومؤخر للشيخوخة..

يحارب القلق العصبي وينشط الغدة الدرقية ويلين الأوعية الدموية..

كما أنه يرطب الأمعاء ويحفظها من الضعف والالتهابات..

ويقوي حجرات المخ ويكافح الدوار وزوغان البصر والتراخي والكسل ويدر البول وينظف الكبد ويغسل الكلى ..



طبعا فوايده اكتر من كده بكتير لكن انا افضل يكون فى موضوع منفصل علشان نتكلم عنه باستفاضه اكتر..

واعتقد فى الوقت الحالى اى حد قرا اللجزئيه دى هيتحمس فى تناول التمر..



طيب نيجى بقى لمقادير البسكويت..


• 4 أكواب طحين
• 1 كوب زبدة مغلية
• 1 ملعقة صغيرة محلب مطحون
• رشة ملح
• كوب ونصف الكوب من الحليب
• 1 ملعقة كبيرة من الخميرة الفورية • 1 ملعقة كبيرة من السكر
• 2 كوبان من التمر المطحون • 2 ملعقة صغيرة من جوزة الطيب
• 1 بياض بيضة واحدة • 1 كوب من السمسم


طريقة التحضير

1. يخلط الدقيق، المحلب، الملح، السكر والخميرة الفورية في إناء كبير
2. تضاف الزبدة فوق خليط الطحين ثم يفرك الخليط بالأصابع حتى يصبح متجانسا ً
3. يسخن الحليب قليلاً ويضاف بالتدريج الى الخليط حتى يتحول الى عجين متماسك ولين
4. يغطى بقطعة قماش ويترك لمدة نصف ساعة وخلال هذا الوقت تحضر الحشوة


الحشوة:

1. يوضع التمر في إناء ويضاف اليه جوزة الطيب ويعجن باليد ليصبح لينا ً
2. نأخذ قطعة عجين بحجم حبة الجوز ونفردها على الطاولة على شكل قرص
3. ثم نأخذ قطعة تمر أصغر من حجم قطعة العجين ونمسدها باليد لتصبح على شكل أصبع
4. ثم نضع التمر في وسط قرص العجين ويثنى العجين ليغلف التمر بالكامل ويأخذ شكل اصبع
5. ثم تلوى العجينة المحشية بالتمر على شكل حرف
S 6. توضع بصينية الخبز ثم تدهن بالفرشاة كل قطعة ببياض ويرش عليها كمية من السمسم
7. توشع العجينة بفرن محمى مسبقا ً على درجة 350 درجة فهرنهايت وتخبز لمدة 12 الى 15 دقيقة حتى يصبح البسكوت ذهبي اللون ..


وبكده يكون البسكويت جاهز للتقديم..
وكل سنه وانتم طيبين..

الاثنين، 17 أغسطس، 2009

فاهيتا الدجاج من ماكدونالدز..



اهلا بيكم مره تانيه فى المدونه..مع ثانى اكلاتى فى مطبخى المتواضع..

المره اللى فاتت عملنا مع بعض البرجر وده طبعاً من اللحوم..

اليوم هنعمل صنف من الدجاج..علشان طبعا نقدر نعمل موازنه..


وصنف اليوم هو فاهيتا الدجاج من ماكدونالدز..

وليه انا قلت من ماكدونالدز..؟

لان كل توكيل وليه طريقته فى عمل اى صنف من الاصناف..يعنى ماكدونالدز غير تشيليز غير بج ماك..غيره وغيره..

كلهم بيعملوه لكن كل حد فيهم بيعمل طريقه شكل..
طبعا انا دخت السبع دوخات علشان اجيب صوره واضحه شويه لكن دى تفى بالغرض..


المهم خلينا فى ماكدونالدز دلوقتى..




اكتبوا معايا..

مقادير التتبيله..


ملعقة طعام نشا ذرة

2 ملعقة صغيرة فلفل تشيلي

ملعقة صغيرة ملح

ملعقة صغيرة بابريكا

ملعقة صغيرة سكر

ثلاث أرباع ملعقة صغيرة مكعب ماجي

نصف ملعقة صغيرة بصل بودرة

نصف ملعقة صغيرة ثوم بودرة

نصف ملعقة طعام فلفل حار بودرة

نصف ملعقة صغيرة كمون


اما مقادير خلطة الدجاج كلآتى..


صدور دجاج

نصف كوب فلفل اخضر حلو مقطع

نصف كوب بصل مقطع

2 ملعقة طعام بهارات الفاهيتا المذكورة فوق

2 ملعقة طعام ماء

نصف ملعقة صغيرة خل ابيض

ملعقة صغيرة عصير ليمون

شرائح جبنة سلايس للساندويتشات او جبن شيدر..

خبز تورتيلا


وخبز التورتيللا هو اللى فى الصوره ده..

الطريقه..


_نقطع صدور الدجاج شرائح بالطول.

_ في وعاء نخلط بهارات الفاهيتا مع الماء و الخل و الليمون ننقع شرائح الدجاج في الخليط ونغطي الوعاء و نضعه في الثلاجة عدة ساعات .

_على درجة حرارة متوسطة نحمر الدجاج في قليل من الزيت و أثناء التحمير نضع قليلا من خليط النقع ونقلب الى أن يصبح لونها ذهبي فاتح.

_ ثم نضع الفلفل و البصل ونقلب لمدة دقيقة و نضع بقية خليط النقع ونطهو الى أن تتبخر السوائل.

_فى الوقت ده هنكون حاطين صينيه او طبق ستانلس فى الفرن لغاية ما يوصل الطبق لدرجة حراره عاليه جدا..

_نخرج الطبق من الفرن ثم نضع الفاهيتا المطهوه على النار على الطبق دفعه واحده..

_هنسمع صوت ازيز وطشطشه..وهو ده المطلوب..وبكده تكون الفاهيتا جاهزه انها تتحط فى الخبز..

_نحضر خبز التورتيلا ونضع الدجاج في النصف وشريحة الجبن و نرش رشة من بهارات الفاهيتا ونلفه بالورق الخاص ونتركه لمدة 5 دقائق ونضعه في الفرن لمده ثوانى معدوده و يقدم فورا...

واتمنى تكون الوصفه سهله وعجبتكم اليوم..

الخميس، 16 يوليو، 2009

طريقة عمل البرجر اللذيد..










رجعتلكم تانى بعد طوول انتظار..وأسفه طبعاً على الغياب لكن لما اغيب كل شويه كده اعرفوا انها فعلا حاجات اقوى منى..



خلينا فى المهم..

اليوم هنحضر خلطة البرجر..وانصحكم بلاش تشتروا برجر مغلف او غير مغلف من بره تانى حتى لو كان من نوع نضيف..

أولاَ..علشان احنا منعرفش هى ذبح حلال وللا لأ..

ثانياً.. علشان منعرفش هى لحمة ايه بالظبط..

ثالثاً.. احنا منعرفش هى معموله ازاى وللا مفرومه ازاى..



فمن الأفضل نجهزها فى البيت..نختار لحمه صح..ونعملها بطريقه نضيفه وبشترى من محل لحوم موثوق منه..


انا عارفه ان انتوا عاوزين الطريقه وانا طولت عليكم..

اوك..



المقادير لخلطة البرجر..


1/2كيلو لحم مفروم ..

بصلة صغيرة مفرومه ناعم جدا و يفضل عصير البصل ..

ملح وفلفل للطعم..

بقسمات..

ملعقة صغيرة مستردة..

فلفل اخضر مهروس جيدا..

بهار لحم..


الطريقه..

نخلط جميع المقادير..جيداً وتشكل على هيئه دوائر..


ونتركها لمدة ساعة على الأقل في الثلاجة..

نسخن الشواية وندهن السلك بقليل من الزيت حتى لا يلتصق اللحم بالشواية..

نحضر الخبز و عليه الخس والبرجر والمخلل وشريحة جبن شيدر وشريحة بصل وشريحة طماطم والكاتشاب و يقدم..

ملحوظه مهمه..

سر أي طريقة عمل برجر هو وضعها في الثلاجة قليلا بالتتبيل وفرم البصل ناعم جدا حتى لا يتفتت اللحم و من الممكن عمل البرجر بكميات ووضعها في الفريزر إلى وقت استخدامها ..

وفى النهايه اتمنى تكون الوصفه اعجبت الجميع..




الثلاثاء، 23 ديسمبر، 2008

مطبخى..



السلام عليكم ورحمة الله وبركاته..
انا برحب بيكم فى مدونتى التانيه او بمعنى اصح..بيتى التانى..وبمعنى ادق مطبخى التانى..

المطبخ ده هقدم فيه بعون الله حاجات مفيده عن المطبخ بكل مشتملاته..
يعنى معلومه مفيد..اكله شهيه..احدث الأجهزه والأدوات المطبخيه..تأثير الغذاء بالسلب والإيجاب على حياة الانسان اليوميه..وعلى جسمه بصفه عامه..سؤال وجواب لو حبيتم..حاجات كتيـــــر متعدوش لان المطبخ شامل لكل شئ..

وان شاء الله اتمنى ان كل شئ شامل المطبخ ده يكون مفيد وممتع ليكم وانا موجوده لو حبيتم اى استفسار..
مش معنى كده يعنى انى مقطعه السمكه وديلها ههههههه..بس اكيد اى سؤال انا معرفوش هحاول اعرفه وأبحث عنه..وادينى منها افدت واستفدت بحاجه مكنتش اعرفها..


لكم منى اطيب التحيات..