CLICK HERE FOR BLOGGER TEMPLATES AND MYSPACE LAYOUTS »

الاثنين، 17 أغسطس، 2009

فاهيتا الدجاج من ماكدونالدز..



اهلا بيكم مره تانيه فى المدونه..مع ثانى اكلاتى فى مطبخى المتواضع..

المره اللى فاتت عملنا مع بعض البرجر وده طبعاً من اللحوم..

اليوم هنعمل صنف من الدجاج..علشان طبعا نقدر نعمل موازنه..


وصنف اليوم هو فاهيتا الدجاج من ماكدونالدز..

وليه انا قلت من ماكدونالدز..؟

لان كل توكيل وليه طريقته فى عمل اى صنف من الاصناف..يعنى ماكدونالدز غير تشيليز غير بج ماك..غيره وغيره..

كلهم بيعملوه لكن كل حد فيهم بيعمل طريقه شكل..
طبعا انا دخت السبع دوخات علشان اجيب صوره واضحه شويه لكن دى تفى بالغرض..


المهم خلينا فى ماكدونالدز دلوقتى..




اكتبوا معايا..

مقادير التتبيله..


ملعقة طعام نشا ذرة

2 ملعقة صغيرة فلفل تشيلي

ملعقة صغيرة ملح

ملعقة صغيرة بابريكا

ملعقة صغيرة سكر

ثلاث أرباع ملعقة صغيرة مكعب ماجي

نصف ملعقة صغيرة بصل بودرة

نصف ملعقة صغيرة ثوم بودرة

نصف ملعقة طعام فلفل حار بودرة

نصف ملعقة صغيرة كمون


اما مقادير خلطة الدجاج كلآتى..


صدور دجاج

نصف كوب فلفل اخضر حلو مقطع

نصف كوب بصل مقطع

2 ملعقة طعام بهارات الفاهيتا المذكورة فوق

2 ملعقة طعام ماء

نصف ملعقة صغيرة خل ابيض

ملعقة صغيرة عصير ليمون

شرائح جبنة سلايس للساندويتشات او جبن شيدر..

خبز تورتيلا


وخبز التورتيللا هو اللى فى الصوره ده..

الطريقه..


_نقطع صدور الدجاج شرائح بالطول.

_ في وعاء نخلط بهارات الفاهيتا مع الماء و الخل و الليمون ننقع شرائح الدجاج في الخليط ونغطي الوعاء و نضعه في الثلاجة عدة ساعات .

_على درجة حرارة متوسطة نحمر الدجاج في قليل من الزيت و أثناء التحمير نضع قليلا من خليط النقع ونقلب الى أن يصبح لونها ذهبي فاتح.

_ ثم نضع الفلفل و البصل ونقلب لمدة دقيقة و نضع بقية خليط النقع ونطهو الى أن تتبخر السوائل.

_فى الوقت ده هنكون حاطين صينيه او طبق ستانلس فى الفرن لغاية ما يوصل الطبق لدرجة حراره عاليه جدا..

_نخرج الطبق من الفرن ثم نضع الفاهيتا المطهوه على النار على الطبق دفعه واحده..

_هنسمع صوت ازيز وطشطشه..وهو ده المطلوب..وبكده تكون الفاهيتا جاهزه انها تتحط فى الخبز..

_نحضر خبز التورتيلا ونضع الدجاج في النصف وشريحة الجبن و نرش رشة من بهارات الفاهيتا ونلفه بالورق الخاص ونتركه لمدة 5 دقائق ونضعه في الفرن لمده ثوانى معدوده و يقدم فورا...

واتمنى تكون الوصفه سهله وعجبتكم اليوم..

4 محتاجه أسمع رأيك..:

حياتى نغم يقول...

السلام عليكم / شكرا يا جميله واضح إنها لذيذه جداً .
بس سامحينى عايزه معلومات عن البصل البودره والثوم البودره والبابريكا والفاهيتا ؟؟؟
ومنين يا جميل أجيبهم .
معلش بقه ماليش فى الإبداع ده :)

YaQeaN يقول...

وعليكم السلام يا جميله..

كل سنه وانتى طيبه يا نغم..

بصى يا ستى..
البصل البودره والثوم البودره دول بيتعملوا فى البيت كالآتى..

بالنسبه لثوم بتقشرى الفصوص وتقطعيها شرائح وتحطيها فى الفرن..تاخد لون ذهبى يعنى تتحمص..
وتسيبييها تبرد ولما تبرد تطحنيها وهتكون بودره معاكى..

البصل نفس الشئ بيتحمصيه فى الفرن لغاية ما يكون مقرمش وتطحنيه لغاية ما يكون بودره معاكى..

بالنسبه للبابريكا..
ده فلفل احمر حلو..نفس شكل الشطه الحاره لكن البابريكا اختلافها انها حلوه..
وهتلاقيها علطول عند العطار..

الفاهيتا دى اكله مكسيكيه أصلها الدجاج..الخلطات اللى فى البوست دى لما بتضيفيها على بعض بتبقى فاهيتا..
وطعمها حلو جدا ..

وياستى انتى تؤمرينى انا تحت امرك..
نورتينى.

Hany Mamdouh يقول...

بأمانه موضوع فوق الرائع، وجربتها وفعلا طلعت تحفه خصوصا اني من عشاق الفاهيتا

بالمناسبه انا هاني ممدوح من رابطة محبي الحيوانات الأليفه

miada ref3at.. يقول...

اهلا يا هانى نورت المدونه والله بجد..

وانا سعيده لمتابعة المدونه والاكلات اللى فيها ولو انها لسه فى البدايات..
لكن ان شاء الله اذا ربنا احيانا واعاننا هتلاقى كل جديد من حين لاخر..

والحمد لله ان التجربه نجحت..

نورت..